Tá tionscal na fóillíochta, an spóirt agus na folláine ag fás de réir mar a éiríonn daoine níos cúramaí faoina sláinte agus a gcur i láthair agus toisc go bhfuil am saor sa bhreis acu agus níos nó ioncaim le caitheamh. Mar sin ní raibh riamh an méid spéise i spóirt ann cheana is mar atá anois, go háirithe páirt a ghlacadh sa spórt. Tá raon leathan deiseanna gairme le fáil san earnáil seo. I gcás a bhformhór tá sé mar chomh-aidhm leo go mbainfeadh daoine taitneamh astu féin agus as a n-am saor.

I measc na réimsí oibre tá siad seo a leanas:

• obair in ionad fóillíochta, e.g. mar bhainisteoir, mar chúntóir nó mar gharda tarrthála
• oiliúint, e.g. i gcúrsaí sláinte agus folláine, marcaíocht ar chapall, clubanna peile, gníomhaíochtaí lasmuigh, ióga nó spórt ar leith
• spórt gairmiúil, e.g. mar pheileadóir, jacaí nó mar imreoir gailf
• siamsaíocht, e.g. obair i bpictiúrlanna, marcaíocht ar chapall, páirceanna téamúla, siopaí gealltóireachta, ceardlanna pobail agus clubanna óige

Bíonn coinníollacha oibre éagsúla ann. Lorgaíonn roinnt daoine obair laistigh, in óstáin, i siopaí spóirt, i hallaí spóir nó i bpictiúrlanna agus lorgaíonn daoine eile obair i réimsí amhail marcaíocht ar chapall, gníomhaíochtaí allamuigh a theagasc i gclubanna spóirt nó in ionaid eachtraíochta atá lonnaithe lasmuigh den chuid is mó. I gcás roinnt post bíonn gá le roinnt mhaith oiliúna agus gníomhaíochta fisicí.

I gcás fhormhór na ndaoine a oibríonn san earnáil seo bíonn uaireanta oibre neamhrialta acu agus go minic bíonn orthu obair san oíche, ag an deireadh seachtaine agus ar laethanta saoire bainc.

I measc na bhfostóirí móra tá comhlachtaí fóillíochta, comhlachtaí turasóireachta, ionaid fóillíochta, clubanna sláinte agus folláine agus óstáin agus clubanna spóirt. Tá sé tábhachtach sna poist seo go mbeifeá go maith i mbun cumarsáide le daoine agus meon dearfach a bheith agat i leith an tsaoil. Go minic bíonn gá le scileanna eagraíochtúla agus a bheith in ann obair mar bhall d’fhoireann agus uaireanta bíonn gá le scileanna maithe gnó. Tá gá le leibhéal an-ard scile má táthar ag smaoineamh ar dhul le spórt mar ghairm.

Gairm a bheith agat i gCúrsaí Spóirt agus Fóillíochta
Tá riachtanais iontrála an-éagsúil ag poist sna tionscail seo. I gcás roinnt bíonn gá le saincháilíochtaí, agus i gcás roinnt eile níl gá le haon cháilíocht fhoirmiúil. Tríd is tríd, tá raon leathan cúrsaí ann a chuidíonn le daoine iad féin a ullmhú dul le réimsí oibre san earnáil seo, mar shampla cúrsaí iar-Ardteistiméireachta do ghairmeacha in Ionaid Fóillíochta agus Céim Onóracha ag Leibhéal 8 sna hEolaíochtaí Spóirt.

I roinnt mhaith post san earnáil seo tá deis mhaith ann ardú céime a fháil chuig leibhéal maoirseora nó bainisteora. Tá an iliomad deiseanna ann obair thar sáile agus i roinnt post is féidir leat bheith féinfhostaithe.